جامعہ اسلامیہ امدادیہ گلشن امداد ستیانہ روڈ فیصل آباد

|

سٹارٹر پیج

گلشن امداد ستیانہ روڈ فیصل آباد پاکستان

جامعہ اسلامیہ امدادیہ

مجوزہ نقسہ برائے ھوسٹل

مجوزہ ھوسٹل کا منظر

اس کی بیسمنٹ اور گرونڈ فلور بن چکے ہیں چار منزلیں ابھی بننے والے باقی ہیں

شیخ الحدیث حضرت مولانا نذیر احمد صاحب رحمت اللہ علیہ نے جامعہ اسلامیہ امدادیہ فیصل آباد رمضان 1403ھ 1983) ء( میں اپنے شیخ و مرشد عارف باللہ حضرت ڈاکٹر عبدالحی عارفی قدسرہ کی صدارت و سرپرستی میں قائم فرمایا۔ اس سے پہلے آپ ملک کے مختلف اہم دینی جامعات میں تدریسی فرائض انجام دے چکے تھے۔ آپ کا شمار ملک کے چند محبوب ترین مدرسین میں ہوتا تھا۔ دوران تدریس آپ مدارس کے حالات کا بنظر غائر مطالعہ کرتے اور حاصل ہونے والے تجربات کو اپنے دماغ کے کمپیوٹر میں محفوظ کرتے رہے۔ مدارس دینیہ میں معیار تعلیم و تربیت کے تنزل و انحطاط پر آپ میں ایک کڑھن اپنے تجربات اور اپنے بزرگوں کی تعلیمات کی روشنی میں معیار تعلیم و تربیت بلند کرنے کا ایک نقشہ اور اس مقصد کے سلسلے میں ایک خاص جذبہ آپ کے دل و دماغ پر سوار رہتا تھا۔ آپ کی عمر پچاس سال سے تجاوز کر کے پختگی کے دور میں داخل ہو چکی تھی، زندگی بھر کے ان تجربات، اس کڑھن ذہن میں بننے والے تعلیم و تربیت کے نقشون اور دل میں پروان چڑنے والے ان جذبوں کا ظہور جامعہ اسلامیہ امدادیہ کی صورت میں ہوا، جس نے بہت ہی مختصر عرصے میں ایک بڑے اور مقبول ادارے بلکہ ایک مؤثر تعلیمی و تربیتی تحریک کی شکل اختیار کر لی، اور تمام سلاسل مقبولہ کے بزرگان دین، علماء و طلبہ اور عوام کی توجہات کا مرکز بن گیا۔ فالحمدللہ علی ذلک۔